Akisussaassuseqartumik Unammineq

Najukkanni meerartaqaruit inuusuttuarartaqaruilluunniit qarasaasiat oqarasuaatilluunniit angallattakkat isumannaatsuutinniarlugit immikkut nakkutigikkit.

• Qarasaasiat Windowsimik atuiffiusut tamarmik isertaatilerneqarsinnaammata isissutissamik toortaaqqaarlutit iserfigisinnaanngorlugit aaqqissinnaavatit, oqarasuaatillu angallattakkat isertaammik toortaaqqaarluni atorsinnaasunngorlugit aaqqinneqarsinnaapput. Atortut isertaatilersornissaat tamanut innersuunnarpoq, najukkamili meeraqartillugu inuusuttuaraqartilluguluunniit pingaaruteqarluinnarpoq. Aammattaaq Stars-imut ilisarnaatit isissutissallu kisivit ilisimassavatit. Pinnguartarfimmut isernerit tamaasa isissutivit programmimit eqqaamaneqartannginnissaa aamma toqqarsinnaavat. Stars-imi ilaasortaanerpit allamiit iserfigineqaratarsinnaanera ernumagigukku isissutissavit programmimit eqqaamaneqartarnissaa akuerissanngilat.
• Najukkanni meerartaqaruit inuusuttuarartaqaruilluunniit programmimik illersuummik nittartakkanik iserfigineqarsinnaasunik killilersuisunik, fil-inik siammarterinermik pinaveersaartitsisumik meerartavillu Internetimik atuinerisa sukumiisumik nakkutiginnittumik atuigit. Programmit ataani allassimasut atorsinnaavatit:
  • SafeKids
  • NetNanny
• Nittartakkatsinni ukiukitsumik atuisoqarsimaneranik paasisaqaruit nalunaarfigitigut.Ikiorsiivik saaffigiuk, taava piaartumik isumagissavarput. Siullertut paasiniaassaagut, sillimmasiisoqarsimappat pinnguartup ilaasortaassusaa atorsinnaajunnaarsikkallassavarput pinnguartorlu kinaassutsiminik ilisimatitseqqullugu qinnuigissavarput. Ukiukitsunik pinnguartoqarneranik nalunaartoqartillugu pimoorullugit suliarisarpavut.
• Akisussaassusilimmik angajoqqaajugit. Amerlanertigut taamaallaat marserlutillu tusarnaartussaavutit. Meeqqatit nittartakkani aningaasanoorluni pinnguartarfinnut ilaasortaanermik, akiliinermik ilanngaatsinnermilluunniit eqqartuisut tusaagukkit apersorlugit aallartikkit. Meeqqavit qarasaasiaani nittartakkani aningaasanoornermut programmimik takuguit qarasaasiamiit peeruk apersueqqillutillu. Angajoqqaaq akisussaassuseqartoq ukiukitsunik pinnguartoqarnissaanik pinaveersaartitsinissamut aallarniisuulluarsinnaavoq. Aningaasanoorneq pillugu inuusuttumik oqaloqateqarnissannut siunnersuutit uani takusinnaavatit.

Pinnguaammiit aalajangersimasumiit ilaasarunnaarumaguit qarasaasianni programmip quppernerani siullermi ‘Sakkut’ > Akisussaassuseqartumik pinnguarneq’ > ‘Nerrivimmi unammissutit killilikkit’ tooriarlugu ‘pinnguarnak’ killissatut toqqaruk.

• Akunnerni 24-ni taamatuttaarlu ulluni 30-ni, 60-ini aamma 120-ni utaqqiisaasumik pinnguarsinnaajunnaarnerit neqeroorutigaavut. Programmitsinni aningaasat ilumoortut atorlugit pinnguarsinnaajunnaarlutillu akeqanngitsumik pinnguarsinnaajunnaassaatit. Utaqqiisaasumik ilaajunnaarnissamut imminulluunniit ilaajunnaarsinnissamut tuugassaq toorukku nerriviit pinnguarfigisatit tamaasa matoqqullugit qinuigineqassaatit. Utaqqiisaasumik ilaajunnaaruit imminut ilaajunnaarsikkuit piffissami tassani nittartakkakkut unammersuarnernit aallartittussanit tamanit ilaajunnaarsinneqassaatit, peqataanissannullu akiliutit ileqqorisarput naapertorlugu utertinneqassaaq. Suli unammeqataasutit imminut ilaajunnaarsinnerit aallartissappat programmip matunissaanut pinngitsaalineqassanngilatit nalunaarulli programmimik matoqqusisoq saqqummissaaq - taava programmi matuneqarpat ilaajunnaarneq atulissaaq. Programmimut isersinnaallutit, aningaaserisoq saaffigisinnaallugulu Eqqukkat atorlugit pisiniarfimmi pisiniarsinnaassaatit, kisiannili Stars Konto atorlugu aningaasanik ikisisinnaanallu pinnguarsinnaassanngilatit. Imminut ilaajunnarsinnerpit nalaani unammersuarfimmi piviusumi peqataaffissannik eqquisimaguit suli unammeqataasinnaassaatit. Emailinik nittarsaassinermut tunngasunik nutaarsiassanilluunniit uagutsinneersunik tigusaqassanngilatit.
• Qaammatini arfinilinni imminut ilaajunnaarsinneq. Matuma utaqqiisaasumik imminut ilaajunnaarsinnerit allat assigai, kisianni Stars Kontonnut aningaasat ilumoortut atugassatut ikisatit uterteqqullugit qinnuigissavatsigit. Ilassutitut, imminut ilaasinnaajunnaarsinnerit nammineq atorunnaassanngilaq. Nittartakkatsinni pinnguartaleqqikkusukkuit imminut ilaajunnaarsinnerit qaangiuppat qanoq ilinikkulluunniit Ikiorsiivik saaffigisinnaavat.
• • Imminut ilaajunnaarsinneq qaammatinit arfinilinniit sivinerusoq ukiullu pingasut tungaanut sivisussuseqartoq, aamma ataannartussamik imminut ilaajunnaarsinneq. Qaammatit arfinillit sinnerlugit ukiullu pingasut angullugit imminut ilaajunnaarsinnissat kissaatigigukku imaluunniit kontot ataannartussamik imminut ilaajunnaarsikkumagukku Ikiorsiivik. saaffigiuk. Aningaasanoorutissat tamaasa uterteqqullugit kontollu matoqqullugu qinnuigissavatsigit. Eqqaamallugu akisussaassuseqartumik unamminermi ajornartorsiortoqarnera pillugu kontoppit matuneqarnissaanik piumasaqartoqarneranik paasitinneqarutta Spillemyndigheden-ip inatsisaaniit sukanganerusunik inatsiseqaratta. Imminut ilaajunnaarsinniarlutit iliuuseqarsimaguit illit illersornissat pillugu kontot ammaqqissanngilarput, taamaammat ukioq ataaseq qaangiukkaangat ammaaqqissinnaaneq uaniatunngilaq. Ammaqqinneqarnissaanut periarfissaqarani atajuartussamik matuneqassaaq.
• Unammersuarnerup nalaani imminut ilaajunnaarsinneq.
• Unammisut unammersuarnerup nalaani imminut ilaajunnaarsittut unammersuarnermi sumiluunniit unammeqataaffigisaminni aallartereersumi naammassinissaata tungaanut unammeqataasinnaapput.
• Ulluni arlalinni unammersuarneq: Unammisut *Ulluni arlalinni unammersuarnerup’ nalaani ‘ulluni marlunni anngunniunermi’ peqataanerminni imminnut ilaajunnaarsittut unammersuarnermi tassani unammersuarnerullu ulluni ingerlanneqarnerini tamani imminnut ilaajunnaarsereeraluarunilluunniit unammeqataasinnaapput. Unammisut ullut unammersuarfiusut sinnerini peqataaniarnatik aalajangertut aningaasanik utertitsiffigineqarsinnaanngillat.
• Unammersuarnerit angisuut: Unammisut unammersuarnerit angisuut nalaanni imminnut ilaajunnaarsinnissaminnut qinnuteqarsimasut unammersuarnerup tullissaa peqataaffigisinnaanngilaat. Unammersuarnerup aallartinneqannginnerani unammersuarnerup tamarmi peqataaffigisinnaanissaa qulakkeeqqaaruk.
• Aammattaaq eqqaamajuk neqeroorutinut imminut ilaajunnaarsinnerit sioqqullugu aallartissimasunut (soorlu unammisitsinernit pisunilluunniit toqqaannartunit) peqataaninni eqquisimaguit eqqukkannik arsaagaasinnaavutit.

Nittartakkani aningaasanoornernit tamanit imminut ilaajunnaarsinnissat kissaatigigukku programmigamban®nittartakkani aningaasanoornernut tamanut isersinnaajunnaartitsilluni ikiuisussap aanissaa eqqarsaastigiuk.

GamBlock, programmi qarasaasiap nittartakkat aningaasanoornermik pinnguarfiusinnaasunik iserfiginissaannut killilersuisinnaasoq aamma misissuataarsinnaavat.

Aningaasanoorajunnermik ajornartorsiuteqalernermut ajornerulersitsisinnaallutillu unitsitsinissamut ajornakusoortitsinnasunik aarlerinartoqarpoq. Pinnguartut aarlerinartorsiorsinnaapput:

• Aningaasanoorluni pinnguariumanerusaq iserfigeriaannaagunikku
• Ajugaanissamut ilimasaarutit uniorlugit ilimasussimaguit (“Aningaasanoornermik pinngitsuuisinnaajunnaarneq pillugu isiginnittariaatsit nalinginnaasut” pillugit ataani allassimasut takukkit)
• Aningaasanoornermi ajugaanerit ajorsarnerillu sianigaluni nakkutiginngikkaanni
• Siusissukkut annertuumik eqquigaanni (siunissami eqquisarnissamut eqqunngitsumik ilisamulerluni)
• Inuunermi annaasaqaqqammeraanni allanngortoqarsimappalluunniit, soorlu avissimagaanni, suliffeerussimagaanni, soraarninngorsimagaanni imaluunniit asasamik toqusoqarsimappat
• Pikkunaalliukulagaanni imaluunniit kiserliukulagaanni, imaluunniit siornatigut aarlerinartumik eqqarsaqqaaraniluunniit iliuuseqartarsimagaanni
• Aningaasaqarnikkut ajornartorsioraanni
• Eqqarsartaatsikkut ajornartorsiuteqaraanni, ingammik isummakkut nanertisimasaraanni annilaangasaraanniluunniit
• Aningaasanoorajuttumik (imaluunniit aningaasanoorajuttuusimasumik) imaluunniit pinngitsuuisinnaajunnaarnermik allamik ajirnartorsiuteqartumik angajoqqaaqaraanni
• Imigassamik aalakoornartulimmik, ikiaroornartumik imaluunniit aningaasanik atuivallaarnermik ajornartorsiuteqaraanni ajornartorsiuteqarsimagaanniluunniit

Peqqutaasinnaasut amerliartorneri najoqqutaralugit aningaasanoornermik ajornartorsiuteqalersinnaaneq ilimanarsiartortarpoq.

Aningaasanoornissavit unitsinnissaa ajornartikkukku, imaluunniit aningaasanoortarnerpit kingunerinik ajornartorsiulereersimaguit ikiortissarsiornissat piffissanngorsimassaaq.

Nerrivinni aningaasanoorluni pinnguarnissamut , unammersuarnissamut, casinomi pinnguaatinut timersortunillu eqquiniarnissamut killiliineq

Nerrivimmi pinnguarnissamut pokererlunilu unammersuarnissamut killiliisinnaanerup nerrivimmi akiliutit ilaannut ilaannginnissamut killiliinikkut pinnguartut ataasiakkaat aningaasanik atuinissaminnik killiliisinnaanissaannik periarfissaqartippai.

Pinnguaatinut killiliigit

Toqqagassami tassani ‘Atortut’-niittoq atorlugu casinomi pinnguaatinit ataasiakkaanit imminut mattussinnaavutit. Toqqagassami tassanittaaq timersortunik eqquiniarnissamut imminut mattussiinnaaneq periarfissaavoq.

Nittartagarput aqqutigalugu kontonnut aamma isersinnaavutit. ‘Konto’-mi toqqagassani akisussaassuseqartumik unammineq pillugu atortut iserfigisinnaavatit.

Killiliineq sunaluunniit ataannartussamik piffissalluunniit ilaani atuutsikkusukkukku kissaatit pillugu Ikiorsiivik saaffigiuk.

Aningaasanik tigusinissap taamaatinnissaata killilernissaa

Aningaasanik tigusinissat noqqaassutigereersimagukku tigusinissavit taamaatiinnarnissaa pillugu imminut killilersinnaanissannut periarfissaqarputit. Qarasaasiaq aqqutigalugu atuisutut iserfissami siullermi ‘Atortut’ > Akisussaassuseqartumik Unammineq’ > ‘Aningaasanik tigusinissamik taamaatitsiinaarsinnaaneq killileruk’ toorlugu killissaliisinnaavutit.

Killisaliinissaq atuutsilerukku kontonni aningaasanik tigusassannik utaqqisunik taamaatitsiinnarsinnaanerit unitsissavat, aningaasanillu tigusinissannik taamaatitsinissat noqqaassutigigukku taamaatiinnarsinnaassanngilarput. Killissaq una atajuaannartussaavoq atuutsilerukkulu aningaasanik tigusinissamik taamaatitsiinnarsinnaanissat ajornassaaq.

Aningaasanik tigusinissamik taamaatisiinnarsinnaaneq killileruk/p>

Isiginnittariaaseq: Aningaasanoornermik pinngitsuuisinnaajunnaarsimasoq ullut tamaasa aningaasanoortarpoq
Piviusoq: Aningaasanoornermik ajornartorsiuteqartoq akulikitsumik akuttusuumilluunniit aningaasanoortarpoq. Inuup aningaasanoornera eqqarsartaatsikkut, aningaasaqarnikkut, misigissutiskkut, aappaqarnikkut, inatsisitigut allatulluunniit imminut eqqaminiittumulluunniit kinguneqarpata aningaasanoornermik ajornartorsiuteqarnerannut takussutissaasinnaavoq.

Isiginnittariaaseq: Aningaasanoornermik pinngitsuuisinnaajunnaasimasoq aningaasanoorutit suulluunniit periarfissallu tamaasa atorlugit eqquiniaasinnaavoq.
Piviusoq: Aningaasanoornermik ajornartorsiuteqartut amerlanersaat aningaasanoorummik aalajangersimasumik ajornartorsiortitsisumik nuannarisaqartarput allanillu eqquiniaanissaminik ussernartorsiornissaat ilimanaateqanngilaq. Assersuutigalugu, aningaasanoortartoq sapaatit-akunneri tamaasa sukkaniuuttarfimmukartartoq lottop allagartaat imaluunniit aningaasanik pinnguaammik aningaasanooruteqassalluni ussernarsiornavianngilaq. Aningaasanoornermik pinngitsuuisinnaajunnaarsimasut ilaat allanik aningaasanooruteqartarput, taakkuli amerlanertigut ajornartorsiortitsineq ajorput.

Isiginnittariaaseq: Aningaasaatitit aningaasanoornermut tamaasa annaagukkit aningaasanoortarnerit aatsaat ajornartorsiutinngussaaq. Aningaasanoornermik pinngitsuuisinnaajunnaarnieq taamaallaat aningaasaqarnermut ajornartorsiutaavoq.
Piviusoq: Aningaasanik qanoq annertutigisunik eqquisarnersutit annaasaqartarnersutilluunniit aningaasanoornermik pinngitsuuisinnaajunnaarninnik aalajangiisuuneq ajorpoq. Aningaasanoornermik pinngitsuuisinnaajunnaarnikut eqquerujussuarsinnaapput aqaguanilu tamaasa annaaqqillugit, imaluunniit aningaasat aalajangersimasut pinerit tamaasa eqquiniaassutigisinnaasarpaat. Aningaasanoornermik ajornartorsiuteqartut ima akiligassaqalertigisinnaapput ajornartorsiutaat allaat inuunerannut sunniuteqalerluni, tamatigut taamaanngikkaluarluni taamaakkajuppoq.

Isiginnittariaaseq: Aningaasanoornermut pinngitsuuisinnaajunnaartoqarsinnaanngilaq.
Piviusoq: Sammisassat assigiinngitsut, soorlu aningaasanoorneq, imigassamik aalakoornartulimmik imaluunniit ikiaroornermik pinngitsuuisinnaajunnaarnertulli uerinarsinnaatigipput. Aningaasanoorneq iluarusunnermik pilersitsisinnaavoq aningaasanoornermik pinngitsuuisinnaajunnaarsimasullu sunniut taanna angorusullugu iliuutsini uteqattaarusulersinnaavaa. Ikiaroornartoq imigassarlu aalakoornartoq assigalugit aningaasanoornermik pinngitsuuisinnaajunnarsimasup akueriumasatut killissaa annertusisinnaallunillu iluarusunnissaq anguniarlugu aarlerinarsigaluttuinnartunik aningaasanoortalersinnaavoq. Aningaasanoornermik pinngitsuuisinnaajunnaarsimasoq aningaasanoorusussutsimut tunniutiinnarluni kinguneri nuanninngitsut soqutiginagit aningaasanuukulasinnaavoq. Pinngitsuuisinnaajunnaarnerit allat assigalugit aningaasanoornermik pinngitsuuisinnaajunnarsimasup pinngitsuuisinnaajunnarsimanini miserratigisinnaallugulu ajornartorsiuteqarnini assortorsinnaavaa.

Isiginnittariaaseq: Inuit akisussaassuseqanngitsut kisimik aningaasanoornermik pinngitsuuisinnaajunnaarsinnaapput.
Piviusoq: Aningaasanoornermik ajornartorsiutillit amerlasuut inuiaqatigiinni akisussaaffeqarlutik atorfeqarlutilluunniit atorfeqarnikuupput. Ilassutitut, inuit sivisuumik akisussaaffeqarlutik suliaqarsimagaluarunilluunniit aningaasanoornermik ajornartorsiuteqalersinnaapput. Inuit pinngitsuuisinnaajunnaarnermik ilungersuuteqartut sanngiitsuullutillu akisussaassuseqanngitsut amerlasuut isumaqartarput. Kisiannili kinaluunnit qanorluunniit akisussaassuseqartigigaluaruni aningaasanoornermik pinngitsuuisinnaajunnaarsinnaavoq.

Isiginnittariaaseq: Aningaasanoornermik pinngitsuuisinnaajunnaarneq aningaasanoortup akissaqartippagu ajornartoriutiviusimanngilaq.
Piviusoq: Aningaasanoorajunneq pissutigalugu ajornartorsiorneq aningaasaqarnikkuinnaq ajornartorsiutaaneq ajorpoq. Inuup aningaasanoortarnera naleqatitani naapertorlugit iliuuseqarsinnaassusaanut kalluaalerpat ajornartorsiutinngussaaq. Assersuutigalugu, aningaasanoornermut piffissamik atuivallaarluni ilaquttanut, ikinngutinut allanullu piffissamik annikippallaamik atuilersoqalersarpoq. Aappariikkunnaarnermik kinguneqarlunilu ikinngutinik pingaarutilinnik annaasaqassutaasinnaavoq.

Isiginnittariaaseq: Aningaasanoornermik pinngitsuuisinnaajunnaarsimasoq imaaliallaannaq takuneqarsinnaasarpoq.
Piviusoq: Aningaasanoornermik ajornartorsiuteqarneq ersinngitsumik pinngitsuuisinnaajunnaarnertut taaneqartarpoq. Imigassamik aalakoornartulimmik ikiaroornartumillu atuineq assiginagit toqqorteruminarlunilu ikitsuinnarnik malunnartunik ersiuteqarpoq. Aningaasanoornermik ajornartorsiuteqartut amerlasuut ajornartorsiuteqarnertik nammineq takusinnaaneq ajorpaat. Aningaasanoornermik ajornartorsiuteqartut imminnut assortukkajupput.

Isiginnittariaaseq: Aningaasanuuginnaruma iluatsitsisinnaanera uteqqissaaq aningaasallu annaasakka utertillugit eqquissaanga.
Piviusoq: Eqquiniaanerit tamaasa eqquiniaanerpit siulianiit inerneq allaalluinnartuaannarpoq. Taava imaappoq, siullermeertumik eqquiniaanerniit qulissaa eqquiniaaguit iluatsitsisinnaanerit killeqalissaaq. Misiliinerunerit, imaluunniit sivisunerusumik pinnguarnerit ajugaanissannut periarfissanik qaffassaaneq ajorpoq.

Isiginnittariaaseq: Ullumikkut ulloq iluatsitsiffiussasoq malugisinnaavara. Ajugaasussaallunga nalunngilara.
Piviusoq: Aningaasanik eqquinissamik neriuuteqarneq, kissaateqarneq imaluunniit pisariaqartitsineq periarfissanik pinnguaateqarnerup inernerinut sunniuteqanngisaannarpoq. 

IIsiginnittariaatsit pineqartut ilinnut asasannulluunniit piviusuuppata aningaasanoornermik pinngitsuuisinnaajunnaarnermut katsorsartinnissamut periarfissanik uajrtuinissat immaqa pisariaqalersimassaaq. Illit nalunngisappilluunnit ilaat aningaasanoornermik ajornartorsiuteqarussi ikiorneqarusullusilu, peqatigiiffiit innersuussatta ilaat saaffigisigit.